मुलांच्या अतिवजनाची समस्या childerns overweight problem in marathi

 childerns overweight problem

 मूल लहान असताना त्यांच्या आरोग्याकडे विशेष लक्ष द्यावे लागते खास करून त्यांच्या खाण्या पिण्याकडे योग्य लक्ष द्यावे लागते. बदलत्या काळात आणि जीवनशैलीत मुलांचा फास्ट फूडकडे अधिक ओढा वाढत आहे . त्या खेरीज मैदानी खेळाचे प्रमाण कमी झाल्यामुळे मुलांमधील स्थूलतेची समस्या वाढत आहे. आपल्या मुलाने धष्टपुष्ट असावे असे प्रत्येक आईला वाटते कारण, जाडजूड असणे म्हणजे तंदुरुस्त असणे असे आपण वर्षानुवर्षे समजत आलो आहोत. मात्र सध्याच्या काळात फास्ट फूडची वाढती आवड मुलांमद्ये स्थूलपणाला आमंत्रण देत आहे.

            लहान वयातच मुलांना अनेक समस्यांना सामोरे जावे लागत आहे. आजच्या घडीला जगात  70 टक्के मुले स्थूलपणा ने ग्रस्त आहेत . ही मुले दिसायला छान दिसतात . पण अनेक आजारांनी त्रस्त असतात. उत्तम व योग्य आरोग्य आजारपण दूर ठेवण्यास मदत करते.

            मुलांच्या वजनातील वाढ काही मुलांमध्ये स्थूल दिसणे, पोट सुटणे, जास्त जेवूनही थकवा येणे आणि अशक्तपणा जाणवत असल्याची तक्रार करणे हे स्थूलपणाची लक्षण आहेत. झोपताना घोरणे, बद्धकोष्ठता होणे, रक्तदाब वाढणे ही लक्षणे दिसून येतात. या परिस्थितीत मुलांच्या आहाराकडे आणि व्यायामाकडे विशेष लक्ष देणे आवश्यक असते. ज्या महिलांना गर्भादारांपणात मधुमेहाची समस्या भेडसावते त्यांची मुले जाड होण्याची शक्यता असते.
         
         आहाराचे नियोजन मुलांना फास्ट फुड खाण्यास बंदी केल्यास मुले दुर्लक्ष करतील. त्यामुळे त्यांच्या आहाराच्या सवयी हळू बदलाव्या. जसे रोजच्या आहारात 2 फळे भाज्या यांचा समावेश असावा. जेवन रंगीबिरंगी असावे. यामुळे मुलांना जेवणात रस वाटेल . रंगबिरंगी भाज्या करण्यासाठी जॅम, सॉस यांचा वापर करू शकता. आहारात विविधता आणावी.

          कधी फळांची स्मूदी करावी तर कधी दही आणि फळे द्यावी. पावभाजीत अनेक भाज्या वापराव्यात आणि ब्राऊन ब्रेड चा वापर करावा. कोबी गाजर त्याचे सारण भरून पराठा करावा. कमीत तेलातील भाज्यांचे पराठे करावेत.

         खालील गोष्टी लक्षात ठेवा.
         आहारात साखर, तांदुळ, मैदा, मेयोनीज यांचा वापर कमी करावा. तळलेले पदार्थ आणि फास्ट फूडचे सेवन पालकांनी कमी करावे आणि मुलांनाही कमी प्रमाणात द्यावे. कोल्ड्रिंक्‍सऐवजी फळांचा रस किंवा लिंबाचे सरबत  द्यावे.

              हिरव्या भाज्या, फळे, दूध यांची आवड लावावी. त्याचबरोबर दाने भाजलेले फुटाणे हे देखील द्यावेत. गोड पदार्थांबरोबर मेथी, कारले, पालक यांसारख्या कडवट गोष्टी आहारात सामील कराव्यात.

            रोज 500 ते 700 मिली दूध मुलांना देऊ शकता. दुधामध्ये पूरक पोषण यासाठी पावडर मिसळून शकतात. सतत गरम केल्याने त्यातील पोषकतत्वे घडतात. त्यामुळे पूरक पावडर घातल्याने त्याचे पोषणमूल्य वाढते.

           तंदुरूस्त रहाण्यासाठी प्रेरणा द्या मुलांना इलेक्ट्रॉनिक उपकरणांपासून लांब ठेवा. टीव्ही, मोबाइल, टॅब्लेट laptop हे सर्व मिळून रोज फक्त दोन तास पाहू द्या. त्यापेक्षा जास्त वेळ स्क्रीनकडे पाहण्यात घालवू नये.

          घरात बसून खेळण्यापेक्षा त्यांना बाहेर खेळू द्या. लहान-सहान कामे त्यांना करायला सांगा. रोज कमीतकमी एक तास बागेत खेळायला सांगावे. वेळ असल्यास मुलांबरोबर आपणही जावे. बॅटमिंटन, फुटबॉल, क्रिकेटसारखे खेळ खेळावेत. एरोबिक्स, पोहणे, सायकलिंग करणे आदी गोष्टींचा समावेश मुलांच्या दिनक्रमात करावा.